Х.Буянтүмэн: Х.Нямбаатарыг өөрийн хамаарал бүхий хүн, хуулийн этгээдүүдэд 20 гаруй тендерийг хууль бусаар олгосон хэргээр шалгаж байна

Харин УИХ-ын дарга асан Д.Амарбаясгаланг яллагдагчаар татсан, мөрдөн шалгах ажиллагаа явуулж байгаа бол Цахим харилцааны сайд Ч.Номинтой холбоотой асуудалд Англи Улсын холбогдох байгууллагуудад санал хүргүүлсэн, хамтын ажиллагаа хийгдэж байгааг онцоллоо.

Мөн Ерөнхий сайд асан Л.Оюун-Эрдэнийн хөрөнгө орлогоо нотлох асуудлын талаар тодруулахад,

Ерөнхий сайд асан Л.Оюун-Эрдэнийн хөрөнгө оррлогод шалгалт хийгээд, холбогдох иргэдэд хүргүүлсэн. Ямар нэг байдлаар авлигын эсрэг хууль зөрчсөн үндэслэлээр хариуцлага тооцоогүй гэв. 

Хотын орлогч асан Т.Даваадалайгийн хэргийг шүүхэд шилжүүлсэн

Хотын орлогч Т.Даваалдалай нь Шинэ тойрог автозамын ТЭЗҮ боловсруулах 16,9 тэрбумын  тендерт өөрийн хамаарал 3 этгээдтэй нийлж хууль бусаар сонгон шалгаруулалт хийсэн, мөнгө угаасан хэргээр шалгаж байна.

Т.Даваадалай нарын хэргийг шалгаж дуусаад Нийслэлийн прокурорт шилжүүлсэн. Прокуророос яллах дүгнэлт үйлдэж шүүх рүү шилжүүлсэн. Шүүх хурал хараахан товлогдоогүй байна. Тухайн этгээдүүдийн 6,2 тэрбумын үл хөдлөх хөрөнгийг битүүмжилсэн.

Үүнээс гадна Тавантолгой-Гашуун сухайт чиглэлийн төмөр замыг барихдаа Бодь групп ЗГХЭГ-ын дарга Б.Энхбаяр нарт 110 сая долларын авлига өгсөн гэх хэрэг шалгагдаж байгаа бөгөөд уг асуудлаар Х.Нямбаатар ч удаа дараа ярьж буй. 

Уг асуудлаар АТГ-аас дараах тайлбар өгөв. 

-Тавантолгой-Гашуунсухайт төмөр замыг хэрэгжүүлэхдээ Бодь групп 110 сая долларын авлига өгсөн гэх хэрэгт шалгалт явуулж байна. Гэхдээ авлига тараасан гэх баримт нотлогдоогүй. Харин урьдчилгаа төлбөрт 286 сая төгрөгийн санхүүжилт олгосон баримт бий, гэв.