Манчестер Юнайтед клуб "Олд Траффорд" цэнгэлдэхийнхээ зүлэгнээс худалдаалж эхэллээ
Манчестер Юнайтед клуб "Олд Траффорд" цэнгэлдэхийнхээ зүлэгнээс худалдаалж эхэллээ
Манчестер Юнайтед клубийн хөгжөөн дэмжигчид багийнхаа алдарт "Олд Траффорд" цэнгэлдэх хүрээлэнгийн талбайн зүлэгний нэг хэсгийг эзэмших онцгой боломжтой боллоо. Клубийн зүгээс "Олд Траффорд"-ын зүлгийг шоо хэлбэртэй шилэн дотор байрлуулж, албан ёсны дэлгүүрээрээ дамжуулан худалдаалж эхэлсэн байна.
"Old Trafford Turf Cube" нэртэй 7х7 сантиметрийн хэмжээтэй энэхүү бэлэг дурсгалын зүйл нь 125 фунт стерлингийн үнэтэй байна. Эхний ээлжинд зөвхөн клубийн албан ёсны гишүүд худалдан авах боломжтой байсан бөгөөд одоо гишүүний эрхтэй хэрэглэгчид клубийн дэлгүүрээс онлайнаар захиалах боломжтой болжээ.
2026 оны 6-р сард "Олд Траффорд" цэнгэлдэх хүрээлэнгийн зүлгийг 14 жилийн дараа анх удаа үндсээр нь бүрэн хуулж шинэчилсэн юм. Уг засварын ажлын гол зорилго нь талбайн ус зайлуулах системийг сайжруулах болон тоглогчдын аюулгүй, тав тухтай байдлыг хангах явдал байв. Харин хуулж авсан хуучин зүлгээ хаяхын оронд тусгай аргаар хадгалж, хөгжөөн дэмжигчдэд зориулсан үнэ цэнтэй дурсгал болгон хувиргасан нь энэ ажээ.
Манчестер Юнайтедын үнэнч хөгжөөн дэмжигчдийн хувьд энэ нь зүгээр нэг энгийн бүтээгдэхүүн бус, олон жилийн турш багийнхаа түүхэн тоглолтууд, мартагдашгүй мөчүүдийн гэрч болсон талбайн жинхэнэ хэсгийг гэртээ болон ажлын ширээн дээрээ байрлуулах ховорхон боломж гэж клубээс онцолжээ.
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.
Одоогоор сэтгэгдэл байхгүй байна. Та анхны сэтгэгдлийг бичээрэй.