Коронавирусийн асуудал монголын төдийгүй дэлхийн эдийн засагт нөлөөгөө үзүүлж байна. [Tweet “Манай улсын 2020 оны төсөв л гэхэд нэг их наяд төгрөгөөр дутах тооцоо гараад байгаа юм.”] Тиймээс Монгол банк Мөнгөний бодлогын хүүгээ бууруулах шийдвэрт хүрчээ. Ирэх долоо хоногт Мөнгөний бодлогын хороогоо хуралдуулж, бодлогын хүүгээ 0,5 нэгжээр бууруулахаар төлөвлөжээ. Мөн Зээлийн хүүг бууруулах тухай асуудал ч хөндөгдөж байна. Энэ талаар Монгол банкны ерөнхийлөгч Б.Лхагвасүрэнгийн ярьсныг хүргэж байна.
Монголбанкны Ерөнхийлөгч Б.Лхагвасүрэн:
– Монголбанкны хувьд эдийн засагт хамгийн их нөлөөлж болох салбар, гадаад улс оронд ямар нөхцөл байдал үүсэж байгаа талаар ярилцлаа.
Монгол Улсын экспортын 89 хувь, импортын 33 хувийг БНХАУ эзэлдэг. Дэлхийн олон улс орны төв банкууд мөнгөний бодлогыг зөөлрүүлэх, хэвээр хадгалах зэрэг арга хэмжээ авч байгаа.
[Tweet “Мөн заавал байлгах нөөцийн хувийг тодорхой хэмжээгээр багасгах, бодлогын хүүг бууруулснаар зээл, санхүүжилтийн бүтээгдэхүүн хүртээмжтэй болж, хүү буурах суурь болно гэж үзэж байна.”]
ДЭМБ-аас бэлэн мөнгө коронавирусийн халдвар тараадаг байж болзошгүй гэж анхааруулж байгаа. Тиймээс цаасан дэвсгэртийн хэрэглээг бууруулж, шинэ вирусийн тархалтын эрсдэлээс сэргийлэх, цахим золголтыг дэмжих зорилгоор банкны гүйлгээний шимтгэлийг 0 болгох шийдвэрийг гаргасан.
Валютын ханш харьцангуй тогтвортой байгаа. [Tweet “Одоогийн байдлаар Монгол банк 4,3 тэрбум ам.долларын нөөцтэй болсон.”] Монгол Улсын Төвбанкны гадаад валютын албан нөөц өнгөрсөн оны арванхоёрдугаар сарын байдлаар дөрвөн тэрбум ам.доллар байсан. Төвбанк 2016 онд 18.6 тонн, 2017 онд 20 тонн, 2018 онд 22 тонн, 2019 онд 15.1 тонн үнэт металл худалдан авалт хийсэн бол 2020 оны эхний 2 сарын байдлаар 4 тонн үнэт металл худалдан авсан. Дэлхийн зах зээл дээр ч алтны ханш өсөлттэй байгаа. Оны эхний байдлаар долларын ханш 0,9 хувиар суларч, төгрөг чангарсан. Бодит байдал дээр төгрөгийн доллартай харьцах ханш чангарч байгаа.
