Нийслэлийн нийтийн тээврийн газраас өглөө ачаалал ихтэй 23 цэгээс 28 автобусаар, орой 8 цэгээс 10 автобусаар дундын зогсоолуудаас нэмэлтээр богино эргэлт зохион байгуулж эхэлжээ.
Хүйтэрч байгаатай холбогдуулан 11 сарын 25-ны өдрөөс хотын баруун хэсгийн зорчигч ихтэй 21-р хороолол, Улаанчулуут, Толгойт, зүүн хэсэгт Улиастай, Ганц худгийн чиглэлүүдэд, оройн ачаалалтай цагуудад хотын төв хэсгийн ачаалалтай цэгүүдээс Нисэх, Яармаг, Дэнжийн 1000, Баруунсалаа, Улиастай, Сэлх чиглэлүүдэд нэмэлт автобусуудыг нэмэлтээр явуулахаар төлөвлөжээ.
