Энэхүү зохиолч уншигчийн уулзалт нь 2 зорилготойгоор, нэг удаагийн үйл ажиллагаа биш хагас жилийн хугацаанд үргэлжлэх АЯН хэлбэрээр явагдана. Энэхүү АЯН-ны хүрээнд хүрэлцэн ирж хүүхдүүдтэй уулзах анхны зочин нь хүүхдийн зохиолч О.Сундуй байх юм.
“ХАМТДАА УНШЪЯ – НОМТОЙ НӨХӨРЛӨЕ” зохиолч уншигчийн уулзалтын зорилго:
- “ХАМТДАА УНШЪЯ – НОМТОЙ НӨХӨРЛӨЕ” уулзалт нь бага насны хүүхдийг цахим ертөнцөөс ангид байлгах, тэдэнд гэр бүлийн зүгээс зөв нөлөөллийг бий болгох, гэр бүлийн уншлагын цагтай болох, гэр бүлийн халуун дулаан харилцааг бий болоход туслах.
- “ХАМТДАА УНШЪЯ – НОМТОЙ НӨХӨРЛӨЕ”зохиолч уншигчийн уулзалт нь хүүхдүүдийг эцэг эхтэйгээ хамтдаа ном унших, номын ертөнцөөр аялах, хүүхдийн ном унших хүслийг төрүүлж сэдэлжүүлэх, хүүхдийн зохиолчдыг танилцуулах, тэдний уран бүтээлийг хүүхдүүдэд таниулах, сурталчлах зорилготой юм.
Уулзалтаар:
- Зохиолчийн уран бүтээлийн үзэсгэлэн дэлгэгдэнэ
- Хүүхдүүдийн уншсан номын сэдвээр гар зургийн үзэсгэлэн дэлгэнэ
- “Миний ертөнц” уншсан номын тэмдэглэлийг шалгаруулах
- Зохиолч уншигчийн цаг
- Асуулт хариултын цаг зэрэг сонирхотой мэдээллийн арга хэмжээ зохион байгуулагдана.
Уулзалтаас гарах үр дүн:
Хүүхдүүд Монгол хэлний үгийн баялагтай болох, алдаагүй зөв цэвэр бичих дадал бий болох, өөрсдөө шүлэг, үлгэр зохион бичих ур чадварт суралцах, уншсан номынхоо тэмдэглэлийг хөтлөж бичиж сурах, эцэг эхтэйгээ хамтдаа унших боломжийг нээж өгөх, гэрийн уншлагыг бий болгох зэрэг олон үр дүн гарах болно.
Хугацаа: 2022.12.02 нд 14:00 цагт болно.
Мэдээллийг 96015047 утсаар тодруулаарай.
Хаяг: СХД 21-р хороолол Содон хорооллын хажуугийн 154-р сургууль.
