24 цагийн дотор Италид 793 хүн нас баржээ

Эрүүл мэндийн яамнаас коронавирусийн халдварын нөхцөл байдлын талаар ээлжит танилцуулгаа хийлээ. 

[Tweet “24 цагийн дотор шинээр 7 улсад коронавирусийн халдвар бүртгэгджээ.”] Африкийн болон арлын улсуудад эрчимтэй тархаж эхэлсэн байна.

Дэлхийн хэмжээнд 24 цгаийн дотор 32 мянган шинэ тохиолдол бүртгэгдэж, нийт 263076 хүн коронавирусийн халдвар аваад байна. 24 цагийн дотор нийт 1344 хүн нас барж, дэлхийн хэмжээнд коронавирусийн халдвараар 11 мянган иргэн нас баржээ. 

[Tweet “Нийт халдварын 48 хувь нь европ тивд бүртгэгдэж 6000 хүн нас баржээ.”] Сүүлийн 24 цагийн дотор европ тивд 23950 хүн шинээр халдвар авсан байна.

24 цагийн дотор Италид 793 нас барж, халдвар 13,9 хувиар нэмэгджээ.

Италийн хувьд үндэсний хэмжээнд болон халдварын голомт болоод буй Ломбарди мужид байдал хүнд байна. Тиймээс ерөнхий сайд мэдээлэл хийж хорио цээрийг чангатгаж байгааг онцолжээ. Тус улсад хүнс, эмнэлгийн туламжийн үйлдвэрээс бусад үйлдвэрүүдийг бүр мөсөн зогсоосон.

Турк улсад халдвар нэмэгдэж байна. 24 цагийн дотор 2900 гаруй шинэ тохиолдол илрүүлжээ. Европын улс хоорондын нислэгүүдээ цуцалж байна.

Их британид шинээр 1000 гаруй бүртгэгдсэн. Нас барсан иргэд нь өндөр настай болон ямар нэгэн суурь өвчтэй хүмүүс байжээ. Тиймээс суурь өчвтэй болон ахмад настай хүмүүсийг гэрээсээ гарахгүй байхыг зөвлөж байна.

-Бразил улс 2 долоо хоногийн хугацаанд хөл хорио тогтоожээ.

-Дэлхийн бүх улс орнуудад хурал зөвлөгөөнүүдийг цахимаар хийхийг зөвлөж байна.

Таваас дээш хүн уулзаж буй тохиодолд хүн хоорондын зайг 1,5 метрээс дотогш оруулахгүй байхыг ДЭМБ зөвлөж байна.

Харин манай улсын хувд нийт 3115 хүн тусгаарлагдан ажиглалтад орсон. Одоогийн байдлаар 1951хүн тусгаарлах байранд байна.

Баян-Өлгий, Сэлэнгэ, Дархан-Уул аймгууд дээр сэжигтэй тохиолдлууд нэмэгдэж байна. хилийн боомтуудтай аймгууд болох Дорнод, Өмнөговь, Дорноговь, Хөвсгөл аймгууд дээр илүү их анхаарч ажиллаж байна.

 Д.Нямхүү ХӨСҮТ-ийн захирал: 

[Tweet “Сөүл-УБ чиглэлийн онгоцоор ирсэн 153 хүний шинжилгээ сөрөг гарч коронавиусийн халдвар аваагүй нь тогтоогдсон.”]

Мөн 03-р сарын 20-нд ХӨСҮТ-д тусгаарлагдсан нэг хүний шинжилгээний хариу сөрөг гарсан. Харин өчигдөр буюу 90 хүнийг улсын хэмжээнд ажиглалтад оруулаад байна.