Манай улсад нийгмийн цахим сүлжээнээс фээсбүүкийг хамгийн өргөн хэрэглэдэг бөгөөд нийт хүн амын гуравны хоёр нь буюу 2.2 сая гаруй идэвхтэй хэрэглэгч бий. Мөн улсын хэмжээгээр “mn” домейнийг хэрэглэгч 16000 байдаг ажээ.
Харин УИХ-ын Сонгуулийн тухай хуулиар сонгуулийн сурталчилгаанд олон нийтийн сүлжээ ашиглах зохицуулалтыг шинээр оруулсан.
Улмаар өнгөрсөн оны аравдугаар сард Харилцаа холбооны зохицуулах хороо фээсбүүк компанитай хамтран ажилласны дүнд “Ногоон суваг” буюу шууд харилцах цахим сувгийг албан ёсоор нээсэн байна.
Ингэснээр зөрчил гаргасан, нийтийн аюулгүй байдалд шууд аюул занал, учруулж болохуйц гэж үзсэн цахим хуудас, цахим орчин дахь олон нийтийн сүлжээний хаяг, контентыг устгах, хязгаарлах зэрэг арга хэмжээг авч ажиллана гэдгийг ХХЗХ-ны албаны дарга Лувсан-Очир онцолжээ.
