Баянхонгор аймгийн Галуут сумын нутаг, тусгай хамгаалалттай газарт “Гацуурт” компани хууль зөрчин, алт олборлохоор улайрч байгаа талаар нутгийн иргэд, малчид мэдээлэл хийлээ.
Баянхонгор аймгийн Галуут сумын малчин Малчин С.Хүрэлчулуун:
Баянхонгор аймгийн Галуут сумын нутагт ан амьтан, араатан жигүүртэн бүхэн бий. Цоохор ирвэс, тарвага, зурам, үнэг, хярсны өлгий, 100 гаруй төрлийн эмийн ургамлын бүс нутгийг минь “Гацуурт”-ын Чинбат ухаж, сүйтгэх гэж байна!
Энэ уурхайн лицензийн талбай нь 4 сумын нутаг дамнадаг Өлзийт гол, Бөөн цагаан нуурын эх юм. Энэ нутгийг сүйтгэвэл энэ бүх хүн амьтан, мал ахуй ундаалах ус, бэлчээрлэх талбайгүй болно. Иймд Ерөнхий сайд, Ерөнхийлөгч, УИХ-ын дарга нар малчид бидний үгийг сонсож, хүлээн авч уулзахыг хүсэж байна.
Баянхонгор аймгийн Галуут сумын малчин Малчин Ж.Гандэлгэр:
Манай суманд алт олборлох гээд байгаа “Тулга жаргалант” гэж компани биднийг 8-9 жил хөөж тууж байна. Малчид биднийг малын бэлчээр дээр ирж дарамтална, гэр оронд тайван байлгахгүй дарамтална.
Манай суманд алт олборлох гээд байгаа “Тулга жаргалант” гэж компани биднийг 8-9 жил хөөж тууж байна. Малчид биднийг малын бэлчээр дээр ирж дарамтална, гэр оронд тайван байлгахгүй дарамтална.
Сумын засаг дарга, ИТХ, Тамгын газар, аймгийн засаг дарга, ИТХ, тамгын газар нь дандаа мөнгөтэй хүний талд үйлчилнэ. Бид бүх шатанд нь очиж уулзсан, ямар ч дорвитой шийдвэр гаргахгүй.
Энэ хууль зөрчсөн лицензийг 2017 онд нэг цуцалсан ч эргээд сэргээгээд ороод ирсэн. Түүнээс хойш 8-9 жил малчид бид нутаггүй цагаан зээр шиг хөөгдөж, туугдаад байж байна.
Манай Галуут нутгийн унаган хүүхэд Г.Занданшатар ах аа гэх үү, найз аа гэх үү та бидний үгийг нэг сонсоод, учир байдлыг үзээд, дорвитой арга хэмжээ аваад өгөөч гэж хүсье.
Баянхонгор аймгийн Галуут сумын малчин Малчин С.Мөнхбат:
Яриа сонсох линк
-“Гацуурт”-ын Чинбат нутгийн хүнийг урдаа барин, хууль зөрчин, лицензийн талбайгаа өргөтгөн, алт ухахаар улайрч байна!
УИХ-ын дарга, Ерөнхий сайд, Ерөнхийлөгч өө! Та бүхний баталдаг хууль чинь хөдөө орон нутагт зөрүүтэй хэрэгжээд байна!
“Гацуурт” компани 2006 онд Галуут сумын “Үнэгт” гуравдугаар багийн нутаг “Их тойруу” гэдэг газар 518 га газрын лицензийн эрх авсан. Тухайн газрын булаг шанд, голын ай савд 100 кг алтны нөөцтэй. “Гацуурт” компани анх 2017 онд уул уурхайн үйл ажиллагаагаа эхлүүлж, нутгийн иргэд тухай үед нэгдэн тэмцэж, зогсоосон боловч, үйл ажиллагаагаа дахин эхлүүлээд байна.
2017 онд эхлүүлсэн ажлын хор уршгаар уурхайн нүхэнд айлуудын мал олноор унаж үхсэн асуудал гарсан. Энэ тухай бид шалгуулахаар АТГ-т удаа дараа гомдол гаргасан ч огт шийдвэрлээгүй. Түүнчлэн “Гацуурт” компанийн Л.Чинбат сумын ИТХ-ийн төлөөлөгч Б.Анхбаяртай хуйвалдаж хууль зөрчсөн. ИТХ-ийн төлөөлөгч Б.Анхбаяр нь 2025 оны 5-р сард Галуут сумын 3-р багийн нутгийг, 2-р багийн нутаг болгосон акт үйлдэж 150 га-аар лицензийн талбайг нь сунгасан.
Гацуурт компани 2017 онд байгаль орчинд нөлөөлөх байдлын нарийвчилсан үнэлгээний тайланг батлуулаагүй бөгөөд хуулиараа багийн иргэдийн нийтийн хурлаас санал авалгүйгээр уул уурхайн үйл ажиллагаа явуулсан байна.
