Р.Баянбилэг: Модны хялгасан үндэсийг тайрч, унагааж болохгүй

Монголын ойчид, цэцэрлэгчдийн холбооны тэргүүн, ойн аж ахуйн инженер, Р.Баянбилиг 2009 оноос хойш цэцэрлэгжүүлэлт, моджуулалтын чиглэлээр ажиллаж байгаа юм. Тэрээр модыг хэрхэн арчилж, ургуулах талаар зөвлөж байна.

Р.Баянбилиг: зөвөлгөө:

[Tweet “Юун түрүүн ямар зорилгоор, хаана  мод тарих гэж байгаагаа мэдэх хэрэгтэй.”] Зарим нь нарнаас хамгаалъя гэж байхад зарим нь жимс хураая, эсвэл талбайгаа гоёж чимэглэя гэдэг.  Хашааны 0.07 га газарт таван үхрийн нүд, хэдэн чацаргана, урт настай  нэг шилмүүст мод, 3-4 сайхан дундаж  өндөртэй мод байхад тохирдог.  Үүнээс илүү бол ихэднэ. Хашаандаа яаж  байрлуулах нь мөн чухал.

Үхрийн нүдээ шуудуунд нэг нэг метр зайтай тав, зургаан бут тарьчихад, хоёр эгнээгээр бол 10 бутнаас жилдээ бараг 40 л шахуу жимс түүнэ.

Тарих технологи: Модыг сонгож авах. Манайхан үүн дээр алдаад байдаг. Зөвхөн навчилж байгааг нь хараад байдаг. Навч нь нахиалаад ирсэн бол ургана гэж боддог. Гэтэл үндсийг харах хэрэгтэй. Модны нарийн багсгар үндэс ус сорж модоо чийгшүүлж байдаг.  Мод ухаж авч байгаа хүмүүс энэ хялгасан үндсийг анзаарахгүй гол бүдүүн үндэс байвал боллоо гэдэг.  Ингэж буруу авснаас ургалдаггүй. [Tweet “Үндэс муутай мод  ургахгүй.”] Модоо сонгох үед модны мөчир, нахиа маш чухал. Мөчир нь туялзаж байвал сайн. Цэцэглэчихсэн модыг сонгож тарих хэрэггүй. Ургахгүй байж мэднэ.