Баянзүрх дүүрэг аварга тариаланчтай боллоо

[Tweet “Нийслэлийн анхны “Улсын аварга тариаланч” Баянзүрх дүүргийн 20 дугаар хорооноос тодорлоо.”] Улсын аварга тариаланчаар шалгарсан Ц.Отгонбаяр нь эхнэрийн хамт 1997 оноос хойш дүүргийн 20 дугаар хорооны нутаг дэвсгэрт 5,2 га талбайд нарийн болон навчит ургамал тарьж иргэдийг эх орны хөрсөнд ургасан эрүүл ногоогоор хангах үйлсэд тасралтгүй 23 жил зүтгэсэн байна.

Дүүргийн Засаг дарга Т.Баясах тариалангийн салбарын нэгэн жарны түүхийг бүтээлцэж, өрсөлдөх чадвартай, эдийн засгийн үр ашигтай техник, технологийг нэвтрүүлэн, хүн амыг эрүүл аюулгүй хүнсээр хангах үйлсэд үнэтэй хувь нэмэр оруулж, хуримтлуулсан туршлага ажлын амжилтаа үнэлүүлсэн тус хорооны иргэн Цагааны Отгонбаярт хүндэтгэл үзүүлж дүүргийн ‘’Хүндэт тэмдэг’’-ээр шагнаж урамшууллаа.