“Ковид-19” халдварт цар тахлын үеийн хариу арга хэмжээ” дадлага сургуулилалтын хүрээнд Чингэлтэй дүүрэгт хөл хорио тогтоож, авто замын хөдөлгөөнийг бүрэн хаалаа. Хөл хорио өглөөний 08:00 цагаас оройны 18:00 хүртэл үргэлжлэх юм.
Нийтийн тээврийн үйлчилгээний дараах 7 чиглэлийн автобус 08:00-18:00 цагийн хооронд зогсох юм.
ХО:1 “Багабаян-Санзай-7 буудал”, ХО:2 “Шаргаморьт-Халдвартын эмнэлэг”, Ч:8 “Зайсан-Цэцэг төв-Хайлааст”, Ч:21а “Гэмтлийн эмнэлэг-Хасбаатарын гудамж-Ард кино театр-Сөүлийн гудамж” , Ч:21б “Гэмтлийн эмнэлэг-Сөүлийн гудамж-УИД-Цэцэг төв”, Ч:23 “Чингэлтэй-Зүрх уул-МУИС-Хүнсний 1-р дэлгүүр”, Ч:24а “Зунжин-Сонсголон-ТЭЦ4”
Мөн Хан-Уул дүүрэгт цартахлын үед шаардлагатай тохиолдолд нэмэлтээр ажиллуулах 300, 100 ортой эмнэлэг, хээрийн эмнэлэг дэлгэх дадлага сургуулилт хийх юм.
“Ковид-19” халдварт цар тахлын үеийн хариу арга хэмжээ” дадлага сургуулилалтын үйл ажиллагаатай холбоотойгоор иргэдээс санал хүсэлт болон асууж тодруулах зүйл гарвал 7000-7105 шууд утсаар хариулт өгөх юм. Уг шууд утас нь тавдугаар сарын 6-8-ны өдрүүдэд 08:00-21:00 цагийн хооронд иргэдэд мэдээ, мэдээллийг хүргэнэ.
Иргэдээс ирсэн мэдээллийг 12:00, 14:00, 17:00, 21:00 цагуудад төв штаб руу мэдээлж байгаа бол утсаар 1 цаг тутамд мэдээлэл өгч байгаа аж.
Дадлага сургууль гурван өдөр үргэлжлэх бөгөөд дэлхий нийтэд тархаад буй цар тахлын үеийн харилцан ажиллагаа, хариу арга хэмжээ дадлага сургуулилтыг хийснээрээ бид ямар нөөц бололцоо, хариу арга хэмжээ авч байгаа, цаашид юуг сайжруулж боловсруулах ёстой юм бэ гэдгийг тодорхойлох ач холбогдолтой юм.
