УИХ-ын гишүүн Н.Учрал гишүүнээр ахлуулан Б.Баттөмөр, Л.Мөнхбаатар, З.Нарантуяа болон Б.Саранчимэг гишүүн нарын гишүүд Хувийн тэтгэврийн тухай хуулийг санаачлан өргөн барилаа.
Хуулинд одоогийн хуваарилалтын тогтолцоо бүхий тэтгэврийн системийг хагас хуримтлалын тогтолцоо руу шилжүүлэх юм байна.
Дээрх хуримтлал нь зөвхөн тухайн иргэнд зориулсан байх бөгөөд хөдөлмөрийн хөлс, түүнтэй адилтгах орлогын хэмжээнээс хамааран урт хугацаанд өснө.[Tweet “Дээрх хуримтлал нь зөвхөн тухайн иргэнд зориулсан байх бөгөөд хөдөлмөрийн хөлс, түүнтэй адилтгах орлогын хэмжээнээс хамааран урт хугацаанд өснө.”]
Мөн хуулийн төсөлд шаардлага нөхцөл үүссэн буюу нэг удаа орон байрны нөхцөлөө дээшлүүлэх эсхүл эмнэлгийн тусламж үйлчилгээ авахад бүрдүүлсэн хуримтлалаасаа тодорхой хувийг урьдчилж авах заалтыг тусгасан байна.
Хуримтлал нь тухайн иргэний өмч гэж тооцогдох бөгөөд цаг бусаар өнгөрөх эсхүл тэтгэврийн хуримтлалаа бүрэн ашиглаж амжаагүй байхдаа өнгөрсөн тохиолдолд нэр заасан иргэн болон үр хүүхдүүдэд нь өвлөгдөхөөр хуулийн төсөлд оруулсан байна.
Иргэдийн хувийн тэтгэвэртээ зориулж буй хуримтлалыг шинээр үүсгэн байгуулагдах хувийн тэтгэврийн сан удирдан зохион байгуулж, мэргэжлийн хөрөнгө оруулалт хийх үйл ажиллагааг явуулах ба Санхүүгийн зохицуулах хорооны иж бүрэн хяналтад байхаар тооцоолсон байна.
