Туулын хурдны замын урьдчилгаа 500 тэрбумыг ямар ч баталгаагүйгээр, хуурам бичиг баримтад үндэслэн шилжүүлснийг СЗХ онцолжээ
УИХ-ын гишүүн Б.Мөнхсоёл “Туулын хурдны зам” төслийн урьдчилгаа төлбөрийн баталгаа нь эрхзүйн чадамжтай эсэх талаар Санхүүгийн Зохицуулах Хороонд асуулга явуулсан байна.
Асуулгын хариуд Санхүүгийн зохицуулах хорооноос
"...уг даатгалын баталгаа гаргагч Мөнх Даатгал ХХК нь 500 тэрбум төгрөгийн тендерийн баталгаа гаргах боломжгүй, захиалагч талаас уг баталгааны төлбөрийн чадамжтай эсэх талаар СЗХ-оос лавлагаа авч байгаагүй" гэжээ.
Өөрөөр хэлбэл, Туулын хурдны замын урьдчилгаа болгож хятад компани руу шижлүүлсэн 500 тэрбум төгрөгийг ямар нэг банкны баталгаагүйгээр буюу ямар ч эрхзүйн чадамжгүй "Мөнх даатгал" компанийн "баталгаа" гэх хуурамч бичиг баримтаар шилжүүлсэн болж таарч байна.
Санхүүгийн зохицуулах хорооноос өгсөн хариунд мөн:
"... урьдчилгаа төлбөрийн баталгаанд баталгаа гаргагч гадаад улсад бүртгэлтэй Жианбаис Инженеринг Перформанс Гаранти (Шаньдунг)" компанийн нэрийн өмнөөс захиалагчтай харилцах, мэдээлэл хүлээн авах эрх бүхий копаниар "Мөнх даатгал" ХХК оролцсон байна.
Дээрх гадаад улсын баталгаа гаргагч этгээдийн нэрийн өмнөөс захиалагчтай харалцах, мэдэгдэл хүлээн авах эрх бүхий этгээдээр "Монх датгал" ХХК оролсон нь Даатгалын тухай хууль, Төрийн болон орон нутгийн өмчийн хөрөнгөөр бараа, ажил, үйлчилгээ худалдан авах тухай хуульд заасан Монгол Улсын даатгалын компаниас тендерийн гүйцэтгэгч болон урьдчилгаа төлбөрийн баталгаа гаргах бие даасан үйл ажиллагаанд хамаарахгүй болно..." гэжээ.
Ийнхүү Туулын хурдны зам төсөл нь олон хууль, журам зөрчсөнийг батлах бас нэгэн баримт нь ямар ч барьцаагүйгээр урьдчилгаа 500 тэрбум төгрөг шилжүүлснийг СЗХ баталжээ.
Тиймээс Санхүүгийн зохицуулах хороо шалгалт хийхээр ажиллаж байгааг дурджээ.
Харин #SaveTuul хөдөлгөөнийхний зүгээс илт хуурамч баталгааг үндэслэн мөнгө шилжүүлсэн, Санхүүгийн зохицуулах хорооноос баталгаа үнэн эсэх лавлагаа аваагүй Нийслэлийн Худалдан авах ажиллагааны газрын дарга Д.Батцэцэг, Хууль эрх зүйн хэлтсийн дарга Г.Анар, Нийслэлийн санхүү хөрөнгө оруулалтын газрын дарга Л.Эрдэнэбадрах нарыг АТГ-д өгч шалгуулна гэжээ.
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.
Одоогоор сэтгэгдэл байхгүй байна. Та анхны сэтгэгдлийг бичээрэй.