“Гишүүн төвтэй нам E-4 стратеги”, “ENAM 3.0” платформыг Яруу суманд танилцууллаа
“Ардын нам-Ард түмэндээ” аяны хүрээнд Монгол Ардын Намын Хяналтын Ерөнхий Хорооны дарга П.Мөнхтөрөөр ахлуулсан ажлын хэсэг Завхан аймгийн Яруу суманд ажиллалаа.
Тэрээр тус сумын Монгол Ардын Намын хорооны гишүүдтэй хийсэн уулзалтыг нээж, “Ардын нам-Ард түмэндээ” аяны зорилго, чиглэлийн талаар дэлгэрэнгүй мэдээлэл өглөө. Түүнчлэн “Гишүүн төвтэй нам E-4 стратеги”, түүний хүрээнд хэрэгжиж буй “ENAM 3.0” платформын талаар танилцуулав.
Мөн намын үйл ажиллагаа болон орон нутагт тулгамдаж байгаа асуудлаар Яруу сумын иргэд, гишүүд дэмжигчдын сонирхсон асуултад хариулан санал солилцов.
Монгол Ардын Намын Удирдах зөвлөлийн дэргэдэх Хөдөөгийн хөгжлийн бодлогын хорооны Нарийн бичгийн дарга, СДМЭХ-ны Баруун бүс хариуцсан Нарийн бичгийн дарга, Намын Бага хурлын гишүүн П.Цолмон “Эрх чөлөөний дөрвөн зам, дөрвөн чөлөөлөлт” хөтөлбөрийн хэрэгжилт болон уг хүрээнд төрөөс хэрэгжүүлж буй бодлого, арга хэмжээний талаар дэлгэрэнгүй мэдээлэл хүргэлээ.
Энэ үеэр Монгол Ардын намын даргын мэндчилгээг уламжилж, намын үйл ажиллагаанд олон жил идэвх, зүтгэл гарган ажилласан ахмад гишүүддээ хүндэтгэл үзүүллээ.
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.
Одоогоор сэтгэгдэл байхгүй байна. Та анхны сэтгэгдлийг бичээрэй.