Эрүүл мэндийн яамнаас коронавирусийн талаарх цаг үеийн мэдээллийг хүргэлээ.
Манай улсад 6-р сарын нэгний өдөр 212 хүний шинжилгээ хийхэд бүгд сөрөг буюу халдвар аваагүй нь тогтоогджээ. Халдвар авсан нийт 185 иргэн байгаагаас 141 нь ХӨСҮТ-д эмчлүүлж байна.
Халдвартай хүмүүсийн эмчлэгдэх дундаж хугацаа 30-50 хоног байна. Халдвар авсан хүмүсийн дунд 5-15 насны 10 хүүхэд байгаа ажээ. Өвчилсөн хүмүүсийн дундаж нас 24 байна.
ХӨСҮТ-ийн дарга Д.Нямхүүгээр ахлуулсан баг Сэлэнгэ аймгийн Алтанбулаг боомт орчимд халдаргүйжүүлэлт, хамгаалалтын нөхцөл байдалтай танилцан, ажиллаж байгаа ажээ.
