Архи үйлдвэрлэгч бол -Олон хүний амьдралыг зовлонд унагах хор бүтээгчид
Алт ухагч бол- Гол ус, байгаль сүйтгэж олныг амжиргаанаас нь салгадаг дээрэмчид
Авлигачид бол- Бусдын шударга хөдөлмөрөөс сорон мөлжигч бирдүүд
Аялдан дагалдагчид бол- Муу муухай, бурууг таслан зогсоох үүргээ умартагчид
Мөнгө хүүлэгчид бол- Бусдын зовлон дээр зоолж, биеэ оторлогчид
Гадна дотны бүлэглэлийн гар хөл бологчид бол- эх орноосоо урвагчид
Ийм учир би дээрхи төрлийн нэр дэвшигчдийг
алт амлавч дэмжихгүй. Сонгогчид ийм хүмүүст санал өгөх нь ирээдүйгээ худалдаж буй нүгэл. Төлөөсийг нь үлдэх үр чинь зовж төлнө.
Харин зөв, шударга , түмний төлөө төрсөн биеэ үл хайрлагч хүмүүнийг сохор зоос ч авахгүй дэмжинэ
Тэрийг дэмжээд өгөөч, мөнгө өгье , хэд вэ? Гэж асуугчдад зориулав.
Хүний итгэл үнэмшил, үнэ цэнэ гэдэг мөнгөнөөс үнэтэйг мэдэж ав!
Сэтгүүлч Б.Отгон
