Өнөөдөр УИХ-ын 2019 оны ээлжит бус чуулган 10:00 цагт нээлтээ хийнэ. Чуулганы хуралдаанаар хамгийн түрүүнд Татварын багц хуулийн төслийг хэлэлцэхээр болжээ. Чуулганы хуралдааны нээлтийн дараа УИХ дахь намын бүлгүүд хуралдана.
- Улсын Их Хурал дахь Монгол Ардын намын бүлгийн хуралдаан “Жанжин Д.Сүхбаатар” танхимд;
- Улсын Их Хурал дахь Ардчилсан намын бүлгийн хуралдаан “Их Эзэн Чингис хаан” танхимд болох тов гарчээ.
Харин чуулганаар хэлэлцэх асуудлын эхний буюу Татварын багц хуулийн төслийг нэгдсэн хуралдаанаар хэлэлцүүлэх бэлтгэл хангах, санал, дүгнэлтийн төсөл боловсруулах үүрэг бүхий Төсвийн байнгын хорооны ажлын дэд хэсгийн хуралдаан 14.00 цагаас “Г” танхимд мөн хуралдах юм байна.
