Улсын Их Хурлын Төрийн байгуулалтын байнгын хороо өчигдөр(2020.07.06) үдээс хойш хуралдаж, Засгийн газрын бүтцийн тухай хуульд нэмэлт, өөрчлөлт оруулах тухай, Засгийн газрын бүрэлдэхүүний тухай хуульд нэмэлт, өөрчлөлт оруулах тухай хуулийн төсөл болон холбогдох бусад хууль тогтоомжийн төслүүдийн анхны хэлэлцүүлгийг хийж, дэмжжээ.
Уг хуулийн төслүүдийг Монгол Улсын Ерөнхийлөгчтэй зөвшилцсөний үндсэн дээр Монгол Улсын Ерөнхий сайд У.Хүрэлсүх өнөөдөр Улсын Их Хурлын чуулганаар хэлэлцүүлж байгаа юм.
[Tweet “Монгол Улсын Ерөнхий сайд У.Хүрэлсүхийн тэргүүлэх Засгийн газар ерөнхий чиг үүргийн 6, чиглэлийн 8, нийт 14 яамтай байна.”]
Улсын Их Хурлын Анхдугаар чуулганы өнөөдөр/2020.07.07/ нэгдсэн хуралдаанаар Засгийн газрын бүтцийн тухай хуульд нэмэлт, өөрчлөлт оруулах тухай, Засгийн газрын бүрэлдэхүүний тухай хуульд нэмэлт, өөрчлөлт оруулах тухай болон холбогдох бусад хууль тогтоомжийн төслүүдийг эцэслэн батлах юм.
