Нийслэлийн Иргэдийн төлөөлөгчдийн хурлын 2020 оны сонгуульд хамгийн олон санал авч сонгогдсон 45 төлөөлөгчид өнөөдөр /2020.10.19/ үнэмлэхээ гардан авлаа.
Энэ үеэр Нийслэлийн сонгуулийн хорооны дарга Ү.Ганболд “Нийслэлийн сонгуулийн сонгогчдын нэрийн жагсаалтад 916626 сонгогч бүртгэгдсэнээс 438864 нь буюу сонгогчдын 47,88 хувь аналаа өгч, сонгуульд оролцсон” гэдгийг онцлов.
Тэрээр, өнгөрсөн өдрүүдэд нийслэлийн Сонгуулийн хороо сонгууль зохион байгуулсан 453 хэсэг болон есөн дүүргийн сонгуулийн хороодоос сонгуулийн дүн, тайлан мэдээг нэгтгэн авч өнөөдөр нийслэлийн ИТХ-д мөн тогтоолыг өргөн мэдүүллээ.
НИТХ-д МАН 34 суудал авсан бол Ардчилсан найм 8, Хөдөлмөрийн үндэсний нам /ХҮН/-аас гурван хүн тус тус сонгогдсон юм.
Төлөөлөгч нар үнэмлэхээ гардаж аваад, бүлгээ байгуулж, НИТХ-ын анхдугаар хуралдаанаа товлон зарлах юм.
