Томуугийн эмчилгээг өрхийн эмнэлгүүд хийнэ

[Tweet “Томуу, томуу төст өвчний идэвхжлийн үе удахгүй эхэлнэ.”]Ханиад томууны ид дэгдэлтийн үед дүүргийн нэгдсэн эмнэлгүүдийн ачаалал нэмэгдэж ор хүрэлцэхгүй, газраар ор дэлгэх шаардлага гардаг. Тэгвэл энэ жилийн тухайд дүүргийн эмнэлэг дээр ирдэг ачааллыг бууруулах зорилгоор гарааны эмчилгээг өрхийн эрүүл мэндийн төвүүдэд хийх бэлтгэлийг хангажээ.

Өрхийн эмнэлэгт ирж байгаа ханиад томууны шинж тэмдэг илэрсэн хүмүүсийг түргэвчилсэн оношлуураар оношилж холбогдох тусламжийг үзүүлэх нь, тухайн түвшиндөө томуу тархахаас сэргийлж болно гэж үзэж байна.

Тиймээс энэ жил томуу, томуу төст өвчинтэй тэмцэх чиглэлээр эрүүл мэндийн салбараас хэрэгжүүлж байгаа бодлогын онцлог нь анхан шатны тусламж үйлчилгээ үзүүлдэг өрхийн эрүүл мэндийн төвүүдийг чадавхжуулах байдлаар дүүрэг, ЭХЭМҮТ-ийн орны ачааллыг бууруулахад чиглэжээ.

[Tweet “Харин дүүргийн эрүүл мэндийн төвүүдийн хувьд лавлагаа шатны үйлчилгээ үзүүлнэ.”] Энэ нь өрхийн эрүүл мэндийн төвөөс илгээсэн, зайлшгүй эмнэлгийн тусламж үзүүлэх шаардлагатай зорилтот бүлгийн иргэдэд тусламж үзүүлнэ гэсэн үг. Бүр их хүндэрчихсэн зайлшгүй шаардлагатай хүүхдүүдэд л эх хүүхдийн эрүүл мэндийн үндэсний төв тусламж үзүүлнэ.