Эрүүл мэндийн яамнаас танилцуулсан 11-р сарын 18-гы хамгийн сүүлийн мэдээллээр коронавирусийн халдвар авсан хүний тоо шинээр 38-аар нэмэгдэж Монгол Улсад батлагдсан тохиолдол 473 боллоо.
ХӨСҮТ-ийн Тандалт судалгааны албаны дарга А.Амбасэлмаа:
-2020 оны 11-р сарын 18-ны 11.00-17.00 цагийн хооронд 963 хүнд шинжилгээ хийхэд 18 хүнээс коронавирус илэрлээ. Үүний дотор ХӨСҮТ-д 556 хүнд шинжилгээ хийхэд эмнэлгийн ажилтан нэг хүн халдвар авсан. Дархан-Уул аймгийн нэгдсэн лабораторид 348 хүнд шинжилгээ хийхэд 4 хүнээс, Сэлэнгэ аймагт 59 хүнд шинжилгээ хийхэд 13 хүнээс коронавирус илэрсэн. Сэлэнгэд батлагдсан 13 тохиолдол бол халдвар авсан иргэдийн ойрын хавьтлууд байна.
Монгол Улсад батлагдсан тохиолдол 473. Дотоодын халдвар:
- Сэлэнгэд-23
- Дарханд-8
- Говьсүмбэрт-1
- Улаанбаатарт- 15 тохиолдол бүртгэгдлээ.
Улаанбаатар, Дархан-Уул, Сэлэнгэ, Говьсүмбэрээс гадна Эрдэнэт хотод мөн хөл хорио тогтоогоод байна.Түүнчлэн БЗД-т халдвар гарснаасүүдэн тус дүүргийн 4,9,26-р хороонд хэсэгчилсэн хөл хорио тогтоогоод байгаа юм.
