Өнөөдөр 16:00 цагийн орчимд Төв цэвэрлэх байгууламжид осол гарч дөрвөн хүн амь эрсэджээ. Ослын улмаас хоёр ажилтан лаг руу унасан байна. Тэднийг аврахаар хоёр ажилтан оролдсон ч араас нь унаж, осолджээ.
Осолсон иргэдийг гаргаж авсан эсэх нь ч мөн тодорхойгүй байна. Гэч осол юунаас болж гарсан нь хараахан тодорхой болоогүй байна. Ямартай ч ослын газарт Нийслэлийн онцгой байдлын аврах анги очиж ажиллаж байгаа бол цагдаагийн байгууллага хамгаалалтанд аван шалгалтын ажиллагаа явуулж эхэлжээ.
Ослын газарт цагдаагийн байгууллага болон Онцгой байдлын алба хаагчдаас гадна нийслэлийн удирдлагууд очиж ажиллаж байгаа юм байна.
