УИХ-ын гишүүн Б. Чойжилсүрэн улсын тусгай хамгаалалттай, говийн баянбүрд, ховордсон ирвэс, аргалийн өлгий Тост, Тосонбумбын нурууны орчимд олборлолт хийж байхад Өмнөговь аймгийн удирдлага, хариуцлагатай албаныхан дуугарахгүй байгаа нь учиртай.
Өөр нэг ноцтой баримт нь Б. Чойжилсүрэнгийн дүү Б.Балдорж нь Дорноговь аймагт хэд хэдэн лиценз эзэмшээд зогсохгүй түүний “Олон ихт баян ” компаний Хамрын хийд орчмын газарт нүүрсний олборлолт хийхээр дайрч эхэллээ. Дорноговь аймгийн Хамрын хийд орчмын газрыг 2014 онд орон нутгий тусгай хамгаалалтад авсан ч Хятадын “Оуяашиёоу”, “Даблью эс жи эл” болон Монгол эзэнтэй “Олон ихт баян” зэрэг компаниуд ашигт малтал олборлохоор улайрч эхэлсэн. Тэд хуйвалдан “Оуяашиёоу” компаний 2009 онд гурван шатны шүүхийн шийдвэрээр цуцлагдсан 3 ш лицензийг сэргээх шийдвэрийг Захиргааны хэргийн анхан шатны шүүхээр гаргуулаад байна.
Одоо тэд Хятадын “Оуяашиёоу” компанийн лицензтэй талбайг хуваан эзэмших хуурамч гэрээгээр халхавчлан олборлолт хийхээр дайрч байна. Б.Балдорж нь Дорноговь аймгийн Даланжаргалан сумын Бичигт багийн нутаг дэвсгэр, Худагт гэдэг газарт баяжуулах үйлдвэрийн суурь тавьж, цахилгааны агаарын шугам татаж эхлээд байна.
