Улаанбаатар хотын түгжрэл нэмэгдэж, иргэд ажил, хичээл сургуульдаа хоцорч, үүнээс үүдсэн маш их стресс, бухимдал улаанбаатарчуудад тулгарч буй. Тэгвэл түгжирлийг бууруулах үүднээс Улаанбаатар хотын авто замын бүсчлэлийг цоо шинээр өөрчлөхөөр болжээ.
Ингэхдээ хотыг АВС гэсэн гурван бүсэд хуваана. А,В бүсийн зогсоолын тоог дээд хэмжээнд хүргэж бүсчлэлээс шалтгаалан төлбөрийг ялгамжтай ноогдуулна. А,В бүсэд Замын хөдөлгөөний дүрэм зөрчсөн, төлбөр төлөөгүй, авто техникийн хяналтын улсын үзлэгт ороогүй эсвэл тэнцээгүй, тээврийн хэрэгслийн албан татвараа төлөөгүй бол нэвтрэхгүй байх зохицуулалтыг хийж байгаа ажээ.
Шинээр тогтоох бүсчлэл:
Энэ зургаас харвал, В бүсчлэлд Баруун 4 замаас Зүүн 4 зам, хойшоо Их тойруу орж байгаа ажээ. Энэ бүс рүү торгууль татвараа төлөөгүй автомашин нэвтрэхгүй.
Шинээр гарч байгаа Zone буюу бүс тэмдэгийг жолооч нар мөрдөнө. 07.00-10.00, 17.00-20.00 цагийн өндөр ачааллын үед А бүсрүү автомашины үзүүлэлт, ангилал төрлөөр дараалал тогтоож нэвтрүүлнэ. Харин автомашины хөдөлгөөнийг ингэж бүсчилж эсэргээр нь унадаг дугуй, мопедөөр хөдөлгөөнд оролцох бүр боломжийг бүрдүүлэхээр ажиллаж байгаа юм байна.
Жолооч нарын мөрдөх бүсчлэлийн тэмдэглэгээ:
Дээрх шинэ бүсчлэлийн ажлыг ирэх 07-р сард эхлүүлж 09-р сараас ажил, хичээлийн амралт дуусах үеэс мөрдөж эхлэхээр тооцоолжээ. Ингэснээр хичээл, сургууль эхлэх цагаар нэмэгддэг түгжрэл, замын ачаалал эрс буурна гэж үзэж байна.
