Эрчим хүчний салбарын хяналтын ажилтны улсын 11 дэх удаагийн зөвлөгөөнийг энэ сарын 18-20-ны өдрүүдэд Дорнод аймагт зохион байгууллаа.
Хяналтын ажилтны уг зөвлөгөөнийг Эрчим хүчний яам, ДБЭХС ТӨХК хамтран зохион байгуулсан бөгөөд энэ удаа өмнөх зөвлөгөөнөөс гарсан уриалга зөвлөмжийн дагуу хийж гүйцэтгэсэн ажил, салбарын хяналт шинжилгээ, үнэлгээний өнөөгийн байдал, дотоод аудитын үйл ажиллагаа ба цаашид анхаарах асуудлуудын талаар хэлэлцжээ.
Мөн байгууллагууд ажлын байрны эрсдлийн үнэлгээ хийж байгаа арга туршлагуудаа хуваалцаж, салбарын хэмжээнд хэрэгжиж буй техник технологийн шинэчлэл, шинэ санал санаачлагаа танилцуулсан юм.
Энэ удаагийн 11-р зөвөлгөөнд шилжин явах цомыг шинээр хийсэн ДБЭХС ТӨХК-нд хуучин цомыг дурсгаж хадгалууллаа. Улмаар 2020 оны 12 дахь хяналтын ажилтны зөвлөгөөнийг “Эрдэнэт Булганы цахилгаан түгээх сүлжээ” ТӨХК зохион байгуулахаар шилжин явах цом, тугийг гардан авлаа.
