АНУ-ын Төрийн департамент лхагва гарагт мэдэгдэл хийж, “Америкийн ард түмний татварын мөнгөнөөс хүлээн зөвшөөрөх боломжгүй хэмжээгээр нийгмийн халамж авдаг” орнуудын иргэдийн визийг түр хугацаанд зогсооно гэжээ.
Тус яамны мэдэгдэлд:
“Шинээр ирэх цагаачид Америкийн ард түмнээс баялаг сорохгүй гэдгийг АНУ бүрэн баталгаажуултал энэхүү шийдвэр үргэлжилнэ” гэж дурдсан бөгөөд энэ арга хэмжээ нь Сомали, Гаити, Иран, Эритрей зэрэг олон арван улсад хамаарна гэжээ.
Трамп 2025 оны 1-р сард дахин ерөнхийлөгчөөр ажиллаж эхэлснээс хойш цагаачлалын эсрэг хатуу бодлого баримталж, АНУ-ын түүхэн дэх хамгийн өррөн хүрээтэй албадан гаргах ажлыг зохион байгуулахаа амласан. Сүүлийн нэг жилийн хугацаанд тэрээр АНУ-ын хэд хэдэн визийн хөтөлбөрийг хязгаарлаж, дүрвэгч хүлээн авах төлөвлөсөн тоог эрс багасгасан байна. Мөн түүний засаг захиргаа АНУ-ын томоохон хотуудад зэвсэглэсэн цагаачлалын алба хаагчдыг байршуулж, хууль бусаар оршин суугчдыг баривчилж, албадан гаргах ажиллагаа явуулж эхэлсэн.
Төрийн департаментын мэдээлснээр, энэ долоо хоногийн эхээр Трамп Цагаан ордонд эргэн ирснээс хойш 100,000-аас дээш визийг цуцалсан нь нэг жилийн доторх дэдэ үзүүлэлт гэжээ.
АНУ-ын Дотоодын аюулгүй байдлын яам өнгөрсөн сард мэдэгдэхдээ, Трампын засаг захиргаа 605,000 гаруй хүнийг албадан гаргасан, харин 2.5 сая хүн сайн дураараа АНУ-аас гарсан гэжээ.
Төрийн департамент лхагва гарагт аль улсууд визийн хөлдөлтөд хамрагдах талаарх бүрэн жагсаалтыг шууд нийтлээгүй байна. Харин AFP агентлаг нэрээ нууцалсан АНУ-ын албаны эх сурвалжаас иш татан Бразил, Египет, Тайланд, Нигери, Ирак, Йемен зэрэг улсууд багтана гэж мэдээлжээ.
Энэхүү арга хэмжээ нь түр хугацааны буюу non-immigrant виз (жуулчин, бизнесийн виз гэх мэт) хүсэгчдэд хамаарахгүй.
Cato Institute-ийн Цагаачлалын судалгааны захирал Дэвид Бир хэлэхдээ:
“Трампын засаг захиргаа Америкийн түүхэн дэх хамгийн хууль ёсны цагаачлалыг эсэргүүцсэн бодлого баримталж буйгаа нотоллоо” гэжээ. Улмаар “Энэ шийдвэр нь АНУ-д хууль ёсоор ирдэг цагаачдын бараг талыг хааж, ирэх нэг жилийн хугацаанд 315,000 орчим хууль ёсны цагаачийг буцаах үр дагавартай” гэж мэдэгджээ.
American Immigration Council-ийн ахлах судлаач Аарон Райхлин-Мелникийн хэлснээр, Трампын засаг захиргаа нийт 90 улсад цагаачлалын визийг хориглож, түр зогсоосон байна гэжээ. Түүний хэлснээр, эдгээр зорилтот орнуудын 70 хувь нь Африк тивд байрладаг аж.
Эх сурвалж: Al Jazeera
