Цагаан сар дөхөж байгаа энэ үед зах, худалдааны төвүүдэд ууцны худалдаа гарч эхэлжээ. Хүчит шонхор зах дээр л гэхэд хонины ууц 400-800 мянган төгрөгийн үнэтэй байна.
Малчин:
-480-800 мянган төгрөгөөр ууц зарж байна. Одооноос зах дээр жигдрээд гарч байна. Би өөрийн бэлчээр дээрээс 40 ууц бэлтгээд ирлээ. Өнөөдөр 7-8 ууц зарчихлаа. Хүчит шонхор зах дээр мах зарж нэг өдөр зогсоход 180-190 мянган төгрөгийн зогсоолын төлбөр авдаг юм байна. Малчин бидэнд чанга л юм байна.
Ахмад настан:
-Ууц үнэтэй байна. 700-800 мянган төгрөг байна. Хөгшин настай хүмүүс болохоор жижигхэн ууц тавилтай биш. 600-700 мянгаар ууц авна даа. Ер нь Цагаан сарын баяраар багадаа 4 сая төгрөг зарцуулахаар байна.
