2026 ОНЫ НАЙМДУГААР САРЫН 9-НИЙ БАЙДЛААР МОНГОЛ УЛС 622,123 ЖУУЛЧИН ХҮЛЭЭН АВЛАА
Монгол Улсын Засгийн газар- аас 2023–2028 оныг “Монголд зочлох жил” болгон зарлаж, аялал жуулчлалыг эдийн засгийн тэргүүлэх салбарын нэг болгон хөгжүүлэх бодлогыг хэрэгжүүлж байна.
🔹
Энэхүү бодлогын хүрээнд Монгол Улсыг олон улсад сурталчлан таниулах, маркетингийн үйл ажиллагааг эрчимжүүлэх, агаарын тээврийн хүртээмжийг нэмэгдүүлэх, визийн нөхцөлийг хөнгөвчлөх, аялал жуулчлалын бүтээгдэхүүн, үйлчилгээг төрөлжүүлэх, төр, хувийн хэвшлийн хамтын ажиллагааг өргөжүүлэх зэрэг олон талт арга хэмжээг үе шаттайгаар хэрэгжүүлж байна.
📌
Цар тахлын өмнөх аялал жуулчлалын салбарын оргил үзүүлэлт болох 2019 онд бүтэн жилийн хугацаанд 577,300 жуулчин Монгол Улсад ирж байжээ.
🔹
Харин 2026 оны эхний найман сарын хугацаанд 2019 оны бүтэн жилийн үзүүлэлтийг 44,823 жуулчнаар буюу 7.8 хувиар давсан байна. Өөрөөр хэлбэл, 2019 оны бүтэн жилийн жуулчдын тоог 2026 оны наймдугаар сарын эхээр давсан нь Монгол Улсыг зорих олон улсын жуулчдын урсгал эрчимтэй нэмэгдэж, аялал жуулчлалын салбарын сэргэлт тогтвортой үргэлжилж байна.
🔹
Монгол Улс 2026 онд аялал жуулчлалын салбарын өсөлтийн шинэ амжилтуудыг тогтоосоор байна.
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.
Одоогоор сэтгэгдэл байхгүй байна. Та анхны сэтгэгдлийг бичээрэй.