МАН-ын бүлэг эв нэгдлээ хангаж, Н.Учралын Засгийн газрын тогтвортой байдлыг санал нэгджээ

УИХ дахь МАН-ын бүлгийн хурлын өчигдрийн уур амьсгалаас үзвэл шантаажны улс төрчид, тэднийг дагаж амь зуудаг “хиамчид”, троллуудын орлогын төлөвлөгөө тасрахаар байна.

Ерөнхий сайд Н.Учрал сайд нарын 1,4 их наядыг зардлыг 11-р сарын 1-ээс цалин, тэтгэвэр нэмэх, тог, дулааны үнийг айл өрхөд үүрүүлэхгүйн тулд эрчим хүчинд татаас олгох зэрэг төсвийн тодотголоо тайлбарлаад, энэ байтугайг туулаад эргэн ирсэн хүний хувьд албан тушаалтай зууралдахгүй, өөрсдөө л мэд гэх утгатай зүйл ярьсан байна. УИХ-ын гишүүд ч энэ тал, тэр тал гэлтгүй, Орос-Украин, Ормузын хоолой гээд түлш шатахуун доголдож, дэлхийн байдал хүнд байхад Засгийн газар дуусдаггүй ярианууд дуусгаж, харин ч хурдтай ажиллаж байна, АН-ын идэш тоглоом болохгүй шүү гэх зэргээр ярилцсан байна. Засгийн газраа тогтвортой ажиллуулна гэсэн гарын үсэг зурах ажлыг Д.Амарбаясгалангийнхан хариуцахаар болсон байна.

 

Н.Учрал суудалдаа үлдье гэж гуйхгүй, өөртөө итгэлтэй байгаа нь сүүлийн үед явуулсан судалгааны дүнтэй ч холбоотой гэж эх сурвалж хэлсэн. Ерөнхий сайд ажлаа үргэлжлүүлсэн нь зөв, өөр нэрлэх хүн энэ 68 дотор алга гэсэн дүн гарсан юм байна. Өнөөгийн улс төр, эдийн засаг, дэлхийн таагүй байдал, цаг үеийн бэрхшээл “Намрын халуун өдрүүд”-ийн хүлээлтийг талаар болгож, Дүлзэн төрөх бололцоо олгохгүй байна.

 

Түлш шатахуун, эрчим хүч, үнийн өсөлт гээд асуудал их байхад, ажил биш улс төр хийж, дүлзэн болох нь нүдэндээ хуруугаа хийснээс өөрцгүйг шантаажныхан ч үнэрлэж мэдэрч байгаа гэсэн үг. Дээр нь дэлхийн байдал таатай байна гэх зэргээр онигоонд ордог АН-ын дарга О.Цогтгэрэлд нүүрээ өөрчлөхөөс илүү бодлоо өөрчлөх хэрэгтэй, зангараг, бусдыг дагуулах чадвар дутагдаж байгаа нь шантаажны улс төрийг шаварт суулгаж байж болох юм.